Ish-Kryeministri Sali Berisha, në një intervistë për Ora News, ka komentuar aktualitetin politik duke deklaruar me bindje se vendi ndodhet në një udhëkryq dhe zgjidhja sipas ish-kryeministrit Berisha është revolucion qytetar për largimin e Edi Ramës.
Berisha ka komentuar mundësinë e ndërtimit të një kampi refugjatësh në vendin tonë, mundësinë e hapjes së negociatave, sjelljen e opozitës me kuvendin si dhe reformën në drejtësi për të cilën ka shigjetuar me akuza dy ambasadorët kryesorë në vend si bashkëpunëtorë të Ramës për ta kapur sistemin.
“Sepse të dy ambasadorët kanë punuar me vendosmërinë më të madhe për projektin e Soros. Ata janë pjesë e këtij projekti, pavarësisht se ata nuk mbajnë përgjegjësi për këtë. Ata mbajnë përgjegjësi para qeverive të vendeve të tyre. Në Kushtetutën e Shqipërisë ata s’kanë asnjë përgjegjësi ndaj shtetit shqiptar dhe veprimeve të tyre, ata kanë Konventën e Vjenës, të cilën e respektojnë se respektojnë është çështje e qeverisë që vlerëson atë. Këtu është gjithçka problemi i Edi Ramës. A e di ti, se ndonjëri nga ata mund të thotë në tavolinë se nuk ka asgjë se nuk është Gjykata Kushtetuese”,- është shprehur Berisha.
