Ish-kryeministri Sali Berisha ka postuar menjëherë një shënim në profilin personal në facebook në lidhje me takimin mes dy krerëve, atij të opozistës dhe maxhorancës, Lulzim Basha dhe Edi Rama.
Berisha shkruan se takimi i thirrur si bilateral “PD-PS”, Edi Rama e ktheu në takim trilateral duke shkelur rëndë protokollin e takimeve të kësaj natyre.
“Cili është shkaku i këtij ndryshimi? Mundet që Meta i ka nxjerrë Ramës kartonin e kuq për koalicionin, mundet që Rama bëri këtë se do të ndajë me Metën bllokimin e reformës ose Meta e ka detyruar të ndajë me të suksesin!?”, shkruan Berisha në facebook.
Postimi i plotë:
“Te dashur miq, takimin e thirrur si bilateral “PD – PS”, Edi Rama e ktheu ne takim trilateral duke shkelur rende protokollin e takimeve te kesaj natyre. Cili eshte shkaku i ketij ndryshimi? Mundet qe Meta i ka nxjerre Rames kartonin e kuq per koalicionin, mundet qe Rama beri kete se do te ndaje me Meten bllokimin e reformes ose Meta e ka detyruar te ndaje me te suksesin!?
Sidoqofte kjo tregon se Rama shkoi ne takim i kompleksuar nga Basha. Kurse Basha ka perpara dy bashkekryetare te aleances te vellezerve armiq, te pasigurte me njeri tjetrin por te pasigurte me veten e tyre!
Le te urojme te dashur miq nje marreveshje te ndershme ne interesin me te mire te shqiptareve! sb”
