Ka qenë një ditë pozitive për dy portierët shqiptarë në Serinë A. Si Strakosha ashtue dhe Berisha zhvilluan një ndeshje mjaft të mirë me skuadrat e tyre.
Edhe pse pësuan gol, sërish “gardianët” kuqezi morën nota të larta. Ndërkohë që Frederik Veseli ishte në hije gjatë ditës së sotme.
Tomas Strakosha 6 – Portieri i ri Lacios tregoi siguri në çdo dalje që bëri. Gjithashtu Strakosha bëri disa ndërhyrje në raste të vështira duke shmangur gola të tjerë. Ishte i pafajshëm në golin që pësoi Lacio.
Etrit Berisha 6.5 – Në pjesën e parë bën shumë ndërhyrje duke shpëtuar skuadrën e tij nga gola të sigurtë. Ndërkohë në pjesën e dytë u thërrit shumë pak në “apel”. U desh një penallti që të Berisha të pësonte golin e parë pas tre javësh.
Frederik Veseli 5 – Ndeshje shumë e vështirë për të. Nuk arriti të ndalë për asnjë moment sulmuesit kundërshtarë. Veseli u shfaq në konfuzion total, teksa nuk tregoi thuajse asnjë gjë në këtë ndeshje./sportal.al
