Besart Berisha është një nga lojtarët më të mirë të kampionatit asutralian në vitet e fundit. Ai ka ndihmuar ekipet e tij të dalin kampion, por kjo nuk i ka shërbyer për të qenë pjesë e kombetares së Shqipërisë, pasi ai vetë për shkak të largësisë ka mohuar ftesat e ardhura nga drejtuesit e Federatës dhe të Kombëtares.
I pyetur nga gazetari McKay, Berisha ngulmon që prioritet është klubi i Melbourne Victory dhe me pas, kur te mbarojë sezoni është i gatshëm për Shqipërinë/
“Ekziston mundësia,” – thotë Berisha. “Po mbaroi sezoni këtu dhe me thërrasin do u them po vij”.
Por edhe pse dëshira e tij është të luajë me Kombëtaren në Europian, kjo derë duket e e mbylluar përfundimisht për të. Dhe për ta konfirmuar këtë gjë është shprehur vetë trajneri i Kombëtares Giani De Biasi i cili ka konfirmuar se Berisha nuk do të thirret në Europian, pasi është një lojtar që nuk ka dhënë kontribut gjatë eleminatoreve.
