Kelmend Balili, person i shpallur në kërkim ndërkombëtar nga policia greke është i lirë dhe vazhdon të punojë dhe jetojë në Sarandë. Ish-Kryeministri, Sali Berisha ka siguruar një foto, ku thotë se “Eskobari i Ballkanit” gjendet në resortin e tij buzë detit.
“Kjo është foto e fillimit të kësaj jave të Eskobarit të Ballkanit dhe lejtnanteve të tij në strofullën e tij në Sarandë, korrierit, pengut etj”, shkruan Berisha i cili ka postuar edhe shënimin e denoncuesit i cili kërkon të mbetet anonim.
Statusi i Berishës, referuar qytetarit dixhital
“Këta në foto janë, në mes Kelmend Balili, djathtas Rigers Balili kryetari bashkisë Delvinë (nuk jam i sigurt), majtas nuk ia di emrin por është korrier i Kelit (Kelmend Balilit). Tjetri në fund majtas është Denis Balili. Ky zakonisht rri peng tek blerësit e drogës deri ne momentin kur transporti ka përfunduar. Metodë kjo kolumbiane për të garantuar siguri dhe besueshmëri tek blerësit”.
