Ish-kryeministri Sali Berisha ka folur ditën e sotme mbi emërimin e Taulant Ballës si ministër i Brendshëm.
Gjatë zhvillimit të konferencës “Rënia e Euros, fituesit dhe humbësit”, e organizuar nga Partia Demokratike, Berisha tha se Balla është emëruar nga klanet e narko-trafikut.
Ai thotë se Balla është njeriu më i lidhur publikisht me klanet e drogës dhe marrja e Ministrisë së Brendshme sipas tij ka qenë plotësisht e qëllimshme.
“Njeriu më i lidhur publikisht me klanet e drogës që dihen me dokumente, mori tani Ministrinë e Brendshme dhe imagjinoni ju, a ishte e qëllimshme apo jo, por kjo ishte plotësisht e qëllimshme. Janë ato klane që e emëruar atë ministër. Ka disa faktorë që kanë ndërhyrë në këtë raport, por faktori përcaktues është faktori narko-euro. Janë narko-eurot që kanë pushtuar, prandaj thotë ai, që kemi aq sa nuk e dimë.
Ai e ka fjalën e kontenierëve me euro, e të garantoj se i kanë me kontejner, sepse një shtet e di sa para ka. Një shtet që ka libra dhe regjistra, i llogarit. Ka dhe të fjeturën që e ka të vështirë, por Shqipëria i ka me tonelata, me kontenier, dhe e di ai këtë, sepse i thonë ata, miqtë e tij”, u shpreh Berisha.
