Berat Gjimshiti i ka dërguar nëpërmjet rrjeteve sociale një mesazh mjaft thumbues Xhani De Biazit, i cili e la jashtë listës përfundimtare për pjesëmarrjen në Euro 2016.
“Ndonjëherë jeta nuk na jep atë që dojmë, jo sepse nuk meritojmë, por se meritojmë më shumë. Suksese shokëve në Evropian”, ishte mesazhi i mbrojtësit që shoqërohej me një foto në aeroport përkrah të përjashtuarit tjetër, Milot Rashicës.
Mungesa e Gjimshitit në listë është cilësuar si surpriza më e madhe e De Biazit i cili preferoi Frederik Veselin para tij.
