Një ngjarje e rëndë ka tronditur qytetin pak para mesnate. Për shkak të një konflikti një 55-vjeçar ka plagosur gruan dhe djalin e tij me thikë. Sipas policisë ngjarja ka ndodhur në lagjen ‘Kodra e Sulmit’ në Berat.
Fatos Çela ka plagosur me thikë gruan e tij 55-vjeçaren Mate Çela. Gjithashtu i plagosur në krah ka mbetur i plagosur edhe djali i çiftit Ë.Ç,28-vjeç.
Dy të plagosurit janë jashtë rrezikut për jetën pasi sipas mjekëve ato kanë plagë të lehta, sipërfaqësore.
Uniformat blu janë lajmëruar nga fqinjët e çiftit, të cilët kanë dëgjuar të bërtiturat që dilnin nga brenda banesës. Menjëherë policia ka shkuar në vendin e ngjarjes ku ka shoqëruar 55-vjeçarin Fatos Çela, i cili akuzohet për ‘Dhunë në familje’.
Policia po punon për të zbardhur rrethanat e ngjarjes, ndërkohë që të dhënat paraprake flasin për një konflikt banal.
