Ministri i Punëve të Jashtme, Igli Hasani në konferencën e përbashkët është pyetur nga gazetarët edhe për sulmin e 24 shtatorit në veri të Kosovës.
Hasani u shpreh se Beogradi duhet të bëj një hetim serioz lidhur me këtë sulm dhe të zbulojë lidhjen e tyre me trafikantët e armëve.
Gjithashtu ministri i Jashtëm tha se dialogë është e vetmja rrugë që mund të çoj drejt paqes.
“Ka ndodhur një ngjarje shumë e rëndë një sulm terrorist kriminal në veri të Kosovës që kushdo që do mbante detyrën time do të reagonte në të njëjtën mënyrë. Qëndrimi i ynë ndaj procesit të dialogut dhe normalizimit nga mbetet i pandryshuar, është në harmoni të plotë me qëndrimin e BE dhe SHBA.
Kemi kërkuar dhe deklaruar disa herë zyrtarisht dhe publikisht se formati i këtij dialogu duhet ngritur në nivelin e një konference normalizimi me planin franko-gjerman. Presim që Serbia të nisë hetimet serioze për grupin kriminal terrorist, potencialisht të përfshirë në një konflikt të armatosur në veri të Kosovës dhe lidhjet e tyre me trafikantët e armëve, apo me individë dhe subjekte të tjera në Serbi apo gjetkë. Dialogu Kosovë-Serbi është rruga e vetme drejt paqes, palët duhet të punojnë me guxim për arritjen e një marrëveshje gjithëpërfshirëse të mbështetur nga SHBA dhe BE e cila do mundësojë njohje reciproke mes dy vendeve, anëtarësimin e Kosovës në OKB dhe trajtimin e drejtë të pakicave”, tha Hasani./Opinion.al
