Një modele në Tajvan është mbytur gjatë realizimit të një seti fotografik nënujor dhe ndërsa ende nuk janë përcaktuar shkaqet e qarta të kësaj ngjarjeje, ka dyshime se mund të bëhet fjalë për një gabim njerëzor.
Olivia Ku, 25 vjeçe, e lindur në Taipei, ishte modele shumë e njohur dhe zhytëse amatore me të paktën 3 vjet eksperiencë, raporton Central European News (CEN).
Ajo ndërroi jetë pasi siç raportohet pësoi një krizë astme teksa ndodhej nën ujë. Seti fotografik ishte duke u realizuar në ujërat pranë Hengchun Township, në Tajvan.
