Historia e Sarah Horsman po bëhet gjithnjë e më e zakonshme në Britaninë të Madhe. Sara ka qenë duke festuar në klub me mikeshat e saj, por mbrëmja nuk ka shkuar ashtu sikur ajo mendonte. Ajo është sulmuar në fytyrë nga një grua, e cila ishte dehur dhe nuk mund të kontrollonte veten.
Sara ka marrë një plagë shumë të rëndë në sy, pasi gruaja e ka qëlluar më takën e këpucës. “Unë mendova se ishte një grusht, në fillim, por më pas si u rrëzova në tokë dhe pashë që ajo mbante një këpucë në dorë e kuptova që ajo më kishte qëlluar me takën e këpucës” është shprehur ajo. Sarah u dërgua më pas në spital me ambulancë, ku mori mjekimin e duhur, por siç duket edhe në foto syri i saj është shumë i dëmtuar.
Një sondazh i bërë së fundmi në Britani ka treguar se një në pesë femra janë agresive pasi kanë konsumuar alkool.
