Një video e kryeministrit australian, Malcolm Turnbull, po bën xhiron e internetit.
Kreu i qeverisë shfaqet duke i dhënë 5 dollarë një lypësi. Fotoja u postua në rrjetet sociale nga një gazetare e “Guardian”, e cila shkruante: Shikoni dorën e djathtë të kryeministrit, më pas shikoni dorën e majtë. Besoj se nuk ka nevojë për koment”.
Në foto duket kryeministri teksa i jep lypësit 5 dollarë, ndërsa në dorën tjetër mban një tufë me kartëmonedha, prerja e të cilave nuk dallohet mirë.
Të shumta kanë qenë reagimet për shumën e vogël që ka dhuruar, ndërsa në dorën tjetër mbante shumë para.
Ndërsa të tjerë e kanë akuzuar se e ka përdorur lypësin për t’i bërë vetes publicitet.
