Situata e pandemisë së COVID-19 në Belgjikë mbetet shqetësuese pavarësisht rënies së numrit të rasteve të reja.
Sipas të dhënave zyrtare 942 persona rezultuan pozitiv në testet për COVID-19 duke e çuar totalin në 30,589 të prekur.
Por ajo që është më shqetësuese janë vdekjet. 303 viktima u raportuan nga e diela deri sot. Gjithësej 3,903 persona kanë ndërruar jetë. Ky numër është i lartë për një popullsi prej 11 milionësh që ka Belgjika.
Sipas të dhënave, Belgjika ka 337 viktima për 1 milion banorë. Vetëm San Marino, Andorra dhe Spanja kanë më shumë në gjithë botën. /Opinion.al
