Në një konferencë pë mediat, këtë të premte, kryeministri Edi Rama iu përgjigj pyetjes së gazetarëve nëse Greqia mund të vendosë veton për pengimin e rrugës së Shqipërisë drejt BE, nëse nuk zgjidhet “çështja” Beleri.
Rama tha se kjo edhe mund të ndodhë, por kur të ndodhë do japë përgjigjen e tij.
“Opinioni që unë kam marrë është ai që më ka vendosur në këtë pozicion ku jam, që nuk e kemi vënë në lëvizje qeverinë për të shkarkuar kryetarin e zgjedhur të Himarës, pavarësisht se ai nuk është paraqitur në detyrë në kushtet e pamundësisë.
Qeveria nuk ka këtu asnjë rol për të luajtur. Mbase në të shkuarën qeveria mund ta luante rolin që ishte mësuar të luante. Ta vinte sistemin e drejtësisë në favor të kërkesave të të huajve.
A mundet Greqia?
Po edhe mundet. Po pastaj? Nëse kjo do të ndodhë, kur të ndodhë do të dëgjoni komentin tim. Do ishte jo serioze që Shqipëria që njihet botërisht sot, si një vend ndryshe nga ai që ishte, qoftë nga opinioni ndërkombëtar, qoftë i institucioneve ndërkombëtare, të bllokohet për një çështje, që nuk është fare e integrimit në BE”-tha Rama.
