Presidenti i Republikës, Bajram Begaj ndodhet në Azerbajxhan, ku po zhvillon një vizitë shtetërore me ftesë të homologut të tij, Ilham Aliyev.
Presidenti Bajram Begaj ka ndarë një mesazh nga Azerbajxhani për marrëdhëniet mes dy vendeve. Ai u shpreh se marrëdhënia mes dy vendeve është edhe më e fortë sidomos në kuadrin energjitik.
“Këtë vit shënohen 30 vjet nga marrëdhënia diplomatike e vendeve tona. Kemi mjaft arsye për të qenë krenar, të cilat janë më mirë se kurrë më parë. Vjet Aliyev vizitoi Tiranën dhe më vjen mirë që impakti i asaj vizitë impaktoi menjëherë. Kemi plot arsye për hapat e mëtejshme, dialog të suksesshëm. Risolla në vëmendjen e tij disa nga hapat e suksesshme për afrimin mes dy vendeve. Shqipëria hd Azerbajxhani janë të lidhura ngushtësisht në kuadrin energjetik. Përftimet e Shqipërisë nga TAP kanë qenë të shumta. Gazsjellësi adriatiko-jonian do të kontribuoje edhe më tej në rajon. Shqipëria është vend transit i gazit dhe ky është realitet tashmë.”- thotë Begaj.
Presidenti i Azerbajxhanit Ilham Aliyev, tha se Azerbajxhani dhe Shqipëria kanë një vullnet të fortë politik për të vazhduar këtë lidhje. Ai u zotua për investime të mëtejshme në rrjetin e shpërndarjes së gazit në vendin tonë.
“Do të kemi një studimi vizibiliteti e pastaj do të vijojmë investimin në Shqipëri për të ndërtuar një rrjet të shpërndarjes së gazit. Kemi diskutuar sesi mund të zhvillojmë infrastrukturën tonë nga Shqipëria në vendet tona fqinje. Jam i kënaqur që kemi ambasadën tonë në Tiranë. Kemi një vullnet të fortë politik për të vazhduar këtë lidhje dhe të gjitha këtë marrëveshje janë duke u zbatuar. Kemi rënë dakord të kemi takime të rregullta”, – tha Aliyev.
