Presidenti Bajram Begaj ndodhet këtë të mërkurë në Shkodër, ku është takuar mëngjesin e sotëm me kryetarin e bashkisë së Shkodrës Bardh Spahia.
Në përfundim të takimit me kryebashkiakun e Shkodrës dhe kryetaren e Këshillit Bashkiak, Brisela Kadija, presidenti Begaj tha se vlerëson bashkëpunimin politik në nivel lokal, i cili sipas tij është një mesazh i shkëlqyer i bashkimit të forcave për të mirën e komunitetit dhe zhvillimin e qytetit.
“ Takim shumë i mirë me Kryetarin e Bashkisë së Shkodrës z. Bardh Spahia si dhe kryetaren e Këshillit Bashkiak, znj. Brisela Kadija. Vlerësoj bashkëpunimin politik në nivel lokal, një mesazh i shkëlqyer i bashkimit të forcave për të mirën e komunitetit dhe zhvillimin e qytetit ”, shkruan Begaj në Twitter.
Gjatë ditës së sotme presidenti do të zhvillojë një takim edhe me prefekten e qarkut Shkodër, Majlinda Angoni dhe më pas me komunitetet fetare./Opinion.al
