Presidenti Bajram Begaj ka shprehur ngushëllime për personat që humbën jetën si pasojë e një zjarri që përfshiu një lokal nate në Koçan të Maqedonisë së Veriut.
Kreu i shtetit po ashtu uron shërim të shpejt edhe për mbi 100 të plagosuri.
“I tronditur nga tragjedia e ndodhur, nga humbja e jetëve të reja dhe lëndimi i shumë të tjerëve nga zjarri i rënë në një diskotekë në qytetin Koçan të Maqedonisë së Veriut. Ngushellimet e mia të sinqerta shkojnë për familjarët që humbën të afërmit e tyre dhe për të gjithë popullin fqinj të Maqedonisë së Veriut. Lutjet e mia dhe të popullit shqiptar shkojnë për të lënduarit, që të gjejnë shërim të shpejtë e të mos rëndojë më shumë dhimbja në qytetin e Koçanit”,-shkruan Begaj./Opinion.al
