Të dielën në Serbi zhvillohen zgjedhjet e parakohshme parlamentare. Presidenti i Shqipërisë, Bajram Begaj, me këtë rast iu ka dërguar një mesazh shqiptarëve që jetojnë në Luginën e Preshevës, Medvegjë e Bujanoc.
Ai i ka inkurajuar që të marrin pjesë në votime dhe të zgjedhin kandidatët e preferuar që duan t’i përfaqësojnë në parlamentin e ardhshëm.
“Shqiptarë të Luginës së Preshevës, Preshevë, Medvegjë e Bujanoc! Zgjedhjet e ditës së nesërme janë një moment shumë i rëndësishëm për përfaqësimin tuaj politik dhe mbrojtjen e të drejtave tuaja. Vetëm përmes pjesëmarrjes masive dhe zgjedhjes së kandidatëve tuaj mund ta arrini këtë. Duke shpresuar në një proces sa më demokratik, ju inkurajoj të merrni pjesë në votime e të zgjidhni kandidatët tuaj të preferuar që do t’ju përfaqësojnë në Parlamentin e ardhshëm”, tha Begaj.
