Ish-ministri i Drejtësisë Nasip Naço, është shprehur se modeli i propozuar nga mazhoranca qeverisëse për reformën në drejtësi, është i çuditshëm dhe nuk bazohet tek asnjë prej modeleve të BE-së apo SHBA-së.
Deklarata e tij bie ndesh me qëndrimet që ka mbajtur deri tani LSI se ëhstë e gatshme në çdo moment që ta votojë reformën dhe është krej e papritur.
“Në vitet 80-të makinave kineze ju vinim motorë gjermano- lindorë, nuk funksionon”, ishte krahasimi i Naços për reformën në drejtësi të mazhorancës.
“E thashë në fillim të fjalës time, unë kam kërkuar si ministër i Drejtësisë që ne duhet të merrnim një nga modelet e BE-së , që ne duhet të flasim me gjuhën e BE-së. Kam kërkuar që ekspertëve për aq sa më lejohej që të zgjidhnin modelin italian, i cili është i ngjashëm me modelin që ne kemi, por ne kemi devijuar rrugën. Në dijeninë time mund ta kem dhe gabim, unë nuk di që të jetë shtua ndonjë vend tjetër i vendeve të BE-së, ky model nuk është, amerikan, danez, italian, nuk e di cili është ky model. Është një nga modelet, por nga gabimet që kemi bërë në të shkuarën doja të merrnim një model të pa deformuar, doja të ecja në gjurmët e Brukselit. Në vitet 80-të makinave kineze ju vinim motorë gjermano lindorë, nuk funksiononin”, u shpreh Naço për emisionin e Çim Pekës, duke bërë që për herë të parë LSI t’i afrohet qëndrimittë PD-së për sa i takon reformës.
