Mesfushori i Kombëtares së Shqipërisë, Blerim Kukeli theksoi se Shqipëria duhet të përqendrohet tek sfida me Rumaninë.
Kukeli shprehu një vlerësim të madh për skuadrën rumune, megjithatë beson se “kuqezinjtë” mund të marrin një rezultat pozitiv.
Në një deklartatë për mediat, ai tha se mund të kishim marrë një pikë me Francën, por nuk ishte e thënë që kjo të ndodhte në Velodrome të Marsejës.
“Rumania nuk është kundërshtar i lehtë, ata kanë bërë ndeshje shumë të mira kundër Francës dhe Zvicrës. Ne duhet të tregojmë vlerat tona në fushë dhe të japim maksimumin për të arritur një fitore”, tha Kukeli.
Mesfushori gjakovar, nga statistikat e dala, është konsideruar si një nga lojtarët më të mirë në ndeshjen kundër Francës.
