Pas vendimit të kushtetues për të refuzuar ngritjen e një komisioni hetimor për çështjen Beccheti dhe humbjen e shtetit shqiptar në arbitrazh, ka reaguar Sekretari i Përgjithshëm në PD, Gazment Bardhi. Ai e ka cilësuar banale pengimin që i është bërë komisionit hetimor, ndërsa shprehet se Gjykata Kushtetuese po bëhet mburojë e korrupsionit.
“Banaliteti me të cilin Gjykata Kushtetuese ka penguar ngritjen e Komisionit Hetimor për dëmin prej më shumë se 110 milion euro ndaj shtetit shqiptar, shkaktuar nga Edi Rama dhe qeveria e tij, provon edhe njëherë se kjo çështje ka nevojë urgjente që të hetohet! Asnjë arsye banale dhe jo kushtetuese nuk duhet të pengojë opozitën ti shkojë deri në fund kësaj çështje. Keqardhje që GJK e reformuar po “reformon” vetveten në dëm të interesit publik, duke u bërë mburojë e korrupsionit dhe paligjshmërisë qeveritare”, shprehet Bardhi./Opinion.al
