Finalja e Këngës Magjike është gjithnjë një event që pritet me shumë kërshëri nga publiku shqiptar. Përveç këngëve të cilat do të interpretohen përsëri “live”, elementë shumë të rëndësishëm te kësaj mbrëmjeje janë edhe show, por sigurisht edhe të ftuarit që producenti Ardit Gjebrea ka menduar për këtë natë të tretë dhe të fundit të këtij edicioni të 17-të të KM.
Emri i parë që është konfirmuar është ai i këngëtarit Omar, i cili ka realizuar hitin “Beautiful Life”. Por një tjetër emër shumë i njohur po përflitet se mund të jetë e ftuara speciale e kësaj mbrëmjeje. Ajo është këngëtarja me origjinë shqiptare, Bebe Rexha e cila është një nga yjet e showbiz-it amerikan dhe që ndoshta mund të ngjitet edhe sonte në Pallatin e Koncerteve.
Organizatorët kanë premtuar shumë surpriza dhe ku i dihet ndoshta Bebe Rexha mund të jetë njëra prej tyre.
