Ato dikur kanë qenë shoqe shumë të mira por tani nuk flasim më me njëra tjetrën. Në një intervistë të bërë me Beatrix Ramosaj për “IN TV”, ajo ka zbuluar disa prapaskena të kësaj marrëdhënieje të përfunduar keq. Gjithashtu ajo ka folur edhe për klipin e ri ku do të shfaqet shumë seksi.
Kjo periudhë e jetës në fakt, të paktën nga ana profesionale duket mjaft e suksesshme për këngëtaren nga Kosova. Ajo doli edhe fituese në Your Face Sound Familiar. Pra me pak fjalë, Beatrixa po shijon momentet e saj të suksesit. Por le të lëmë pak pas suksesin e Trixës, dhe të flasim për raportin e saj me Encën.
Trixa para disa kohësh postoi një foto të bërë me photoshop, ku ironizonte Encën. Por Enca nuk e la pa një përgjigje asokohe, ku i përmendi numrin e madh të koncerteve që ajo realizonte.
Në intervistë Beatrixa ka treguar se nuk ka asgjë personale me Encën, dhe se nuk e ka kuptuar ndonjëherë mëllefin që sipas saj Enca ka ndaj saj.
“Unë jam gjithmonë e mira, nuk e di çfarë kanë njerëzit me mua. Unë kam nxjerrë diçka për qejn tim, kujt i ka djegur e mbajtur,” tregon Trixa referuar fotos ku deformonte trupin me photoshop. “Ajo mund të përmendë koncertet, por mua nuk më bën asgjë. Unë jam shumë e re, tani kam filluar karrierën dhe ndoshta i bëj hapat më të sigurt dhe mendoj më afatgjatë. Më vjen keq që u transmetua e gjitha kështu, sepse njerëzit e mi të afërt ose njerëzit që i konsideroj si shokë e miq, i vlerësoj dhe do t’i kem gjithmonë në rrethin tim. Në momentin që dikush nuk është i duhuri për mua, veten nxjerrin. I urrej njerëzit që duan të duken. Nuk kam asgjë personale me Encën. Nuk e kuptova dot kurrë mëllefin e saj”,-është shprehur Trixa.
