Kryeministri Edi Rama ka hapur punën e Samitit të Ballkanit Perëndimor me BE mbi Planin e Ri të Rritjes.
Gjatë fjalës së tij, Rama tha se unioni duhet të gjejë rrugë të reja për të ndihmuar rajonin. Ai theksoi se duhen ndërmarrë hapat e nevojshëm për t’u anëtarësuar në union.
“Falënderues për presidenten e KE-së, për Varhelyi për gatishmërinë e tyre për të dëgjuar shqetësimet tona, lidhur me arsyen se pse BE duhet të gjejë rrugë të reja për të na ndihmuar në rrugëtimin tonë. Është e qartë se mundësia e re që përfaqëson ky plan është jo vetëm pjesë e përpjekjeve tona prej një dekade për një të ardhme të përbashkët por na sfidon për të dëshmuar për gatishmërinë tonë për fatin e përbashkët evropian. Mundësitë mund të merren ose humben, ne duhet të angazhohemi pa asnjë rezervë, hezitim, apo kufizime apo shtrëngime por që të përfitojmë nga kjo mundësi. E pranoj se ndryshe nga Shqipëria, disa vende të rajonit përballen nga çështje komplekse midis tyre megjithatë bëj thirrje që t’i lënë mënjanë. Çështjet dyplaëshev mbeten por duhen zgjidhur përmes bashkëpunimit dhe dialogut dypalësh dhe jo të ndërhynë në këtë ushtrim të ri shumëpalësh”,-tha Rama.
