Kryeministri Edi Rama ka deklaruar se Shqipëria është e vendosur që ta përmbushë me sukses “objektivin për përfundimin e negociatave brenda vitit 2027”.
Në konferencën për shtyp me Komisioneren për Zgjerimin e Bashkimit Europian, Marto Kos, Rama theksoi se negociatat me BE nuk janë muhabete, por të bazuara në rezultate dhe në atë çfarë bëjnë.
“Udhëtimi për në BE nuk është me autobus apo me aeroplan, por është krijimi këtu it ë gjitha kushteve dhe të gjitha standardeve për të qenë anëtar i asaj familjeje atje.
Është përfshirja e këtij vendi, që do të thotë zgjerimi i mureve të asaj familjeje ku do të jetë Shqipëria.
Ne nuk kemi program elektoral për të ardhur në qeveri sepse jemi qeveria, por kemi program, për të gjitha fushatë dhe Shqipëria 2030 në BE ne e shohim si realizim të këtij program që kemi. Natyrisht punët e këtij program do ia bëjmë të njohura publikun, por e gjithë rezymeja e programit është një pasaportë ku shkruan BE-Republika e Shqipërisë.
Kurt Marta thotë se negociatat duhen mbyllur në 2027, nuk janë muhabete, por të bazuara në rezultate, në çfarë duhet të bëjmë ne, por jo çfarë themi. BE nuk të fal, nuk të jep as një gur për të carë kokën po nuk bëre detyrat. Edhe gurin s’ta japin, jo më të të jepni mbështetje”, tha Rama.
