Në Londër pritet të mbahen bisedimet për luftën në Ukrainë, teksa udhëheqësit evropianë po tentojnë të ritakohen pasi vizitës së presidentit ukrainas, Volodymyr Zelensky, në Uashington.
Kryeministri britanik, Keir Starmer, para nisjes së samitit, tha se Britania, Franca dhe Ukraina janë pajtuar që të punojnë në një plan për armëpushim që do t’ia paraqesin Shteteve të Bashkuara.
Starmer tha se plani ka dalë pas bisedimeve mes udhëheqësve të këtyre shteteve, pas përplasjes që presidenti ukrainas, Volodymyr Zelensky, pati me presidentin amerikan, Donald Trump, në Shtëpinë e Bardhë.
Starmer i tha BBC-së se beson që Trump dëshiron paqe të qëndrueshme në Ukrainë. Ai përsëriti qëndrimin e tij se garancitë e sigurisë do të jenë të nevojshme që paqja të jetë e qëndrueshme.
