Bashkimit Evropian i mungojnë rreth 3.8 milionë punëtorë. Sipas një raporti të fundit nga EUROSTAT më shumë kërkohen njerëz të specialzuar nga fusha e mjekësisë, specialistë dhe punëtorë të kualifikuar nga metalurgjia si dhe teknologjia informative.
Rreth 1. 2 milionë punëtorë i kërkon Gjermania, ku nga janari i vitit 2020-të, do të hyjë në fuqi një mënyrë e thjeshtëzuar e miratimit të vizave gjashtëmujore, për ata që duan të kërkojnë punë. Kjo masë i referohet të gjitha vendeve jashtë BE-së, përfshirë Ballkanin Perëndimor.
Krahas Gjermanisë, rreth 821 mijë punëtorë të kualifikuar i kërkon Britania e Madhe pasuar nga Çekia me 271 mijë, Polonia 156 mijë, Belgjika 149 mijë, Austria 126 mijë, Spanja 125 mijë, Suedia 103 mijë si dhe Hungaria 87 mijë. /G.F Opinion.al
