Ambasada e BE-së në Tiranë ka dënuar dhunën e ushtruar, gjatë protestës që u zhvillua këtë të premte para Bashkisë së Tiranës.
Përmes një postimi në rrjete sociale, BE thotë se akte të tilla nuk kanë vend në një shoqëri demokratike.
“Ne dënojmë fort dhunën gjatë protestës së sotme në qendër të Tiranës, gjatë së cilës u hodhën mjete piroteknike të improvizuara ndaj godinës së bashkisë. Akte të tilla nuk kanë vend në një shoqëri demokratike dhe nuk kanë të bëjnë me të drejtën legjitime për protestë paqësore”, tha delegacioni i BE-së në kryeqytet.
Kujtojmë se ditën e sotme gjatë protestës para Bashkisë së Tiranës u hodhën molotovë ndërsa disa protestues tentuan të shkatërrojnë rrethimin e hekurt./Opinion.al
