Policia e Vlorës ka marrë në pyetje Luçiano (Albano) Derajn, i cili u arrestua të enjten pasi në tavanin e shtëpisë në Babicë iu gjet arsenal armësh.
Ai nuk është treguar bashkëpunues dhe nuk ka dhënë detaje për origjinën e armëve dhe me çfarë grupesh kriminale ka lidhje.
Por burime për Klan News bëjnë me dije se Deraj bashkëpunonte me disa grupe kriminale në Vlorë, Fier dhe qytete të tjera.
Armët janë dërguar në Laboratorin e Policisë Shkencore për ekspertizë balistike për ekzamimin pasi dyshohet se disa nga armët të jenë përdorur në disa ngjarje kriminale të kohëve të fundit.
Madje, dyshohet se snajperat e gjetur, njëri prej tyre mund të jenë përdorur në ekzekutimin e Gëzim Sinomatit, ngjarje kjo e ndodhur në 6 janar të këtij viti.
