Përballja Bayern Munchen-Borussia Dortmund në “Allianz Arena”, konsiderohej sfida më e rëndësishme e sezonit ndaj duhej të ishte edhe më spektakolarja, por Bayerni i Mynihut vendosi fatin e sfidës pasi shënuan plot 5 herë në portën e verdhezinjve.
Sfida u zhbllokua nga Mats Hummels, që shënoi në minutën e 10 me kokë, pasi shfrytëzoi mjaft mirë një krosim të ardhur nga këndi.
Më pas Lewandowski, Martinez dhe Gnabry, shënuan edhe 3 herë të tjera në 45-minutëshin e parë, duke çuar skuadrën në dhomat e zhveshjes në avantazh të 4 golave.
Pjesa e dytë dhuroi një tablo më të qetë pasi Bayerni menaxhoi avantazhin e thellë, dhe Dortmundi tregoi pafuqi për të ndryshuar rrjedhën e lojës, deri në minutën e 90’ kur polaku Lewandowski shënoi golin e dytë personal dhe vulosi rezultatin 5-0.
Kjo fitore i dhunon Bayernit të Mynihut kryesimin e renditjes, në kuotën e 64 pikëve, një më tepër se Borussia e Dortmundit, ndërkohë që kanë mbetur ende edhe 6 javë për t’u luajtur deri në fund të sezonit.
Bayern Munchen dhe Borussia Dortmund kanë ndarë mes tyre 9 titujt e fundit në Gjermani./Opinion.al
