Skuadra e Bayern Mynih po përgatitet për të realizuar blerjen më të madhe dhe më të shtrenjtë të historisë së Bundesligës. Sipas të përditshmes britanike “The Sun”, drejtuesit e kampionëve të Gjermanisë kanë gati 75 milionë euro për të blerë sulmuesin e Everton, Romelu Lukaku. Një ofertë që do t’i prezantohet së shpejti drejtuesve të skuadrës angleze, shifër që nuk është shpenzuar kurrë më parë në Bundesligë.
Lukaku, 23 vjeç. ka thënë me kohë së tashmë synon një skuadër të madhe dhe se dëshiron të luajë në Champions League dhe Bayern, që drejtohet nga Carlo Ancelotti, është gati t’ia plotësojë dëshirën. Një transferim që pritet të ndodhë verën e ardhshme dhe do të jetë trajneri italian ai që do të merrtet personalisht më këtë transferim, pasi e vlerëson shumë sulmuesin belg, që luan në Premier League me Everton.
