Partia Socialiste ka mbledhur sot gratë e Tiranës me rastin e 8 Marsit. Në këtë takim s’munguan as batutat.
Deputeti socialist Pandeli Majko, e nisi fjalën duke kujtuar mesazhin që i dërgoi kolegia Olta Xhacka për takimin e sotëm, që përkon edhe me ditën e gruas, e pastaj u kap me Gramoz Ruçin për 50% e grave dhe kaloi në batuta me Ramën për feminizmin.
“Olta më coi vetëm një SMS të shkurtër je i ftuar të vish nesër se kryetari i partisë është vetëm duhet dikush që ta shoqërojë, po pastaj nga Taulanti e Gramozi mora vesh që të njëjtin sms u kishte cuar edhe atyre” tha ai.
Majko ka vlerësuar si arritje 50% e përfaqësimit tashmë me ligj dhe thumboi Rucin. “Unë do të kem nderin së bashku me burrat e PS, të vëmë firmat në reformën zgjedhore në kodin e reformës që 50% e kandidaturave të cdo partie me ligj të jenë gra, mos e tund kokën Gramoz i dashur kjo punë mori fund”. Dhe më pas iu drejtua me një porosi grave: “Vetëm një gjë mos na sillni, aman sherrin e grave”.
Duke u ndalur te kreu i partisë dhe qeverisë, Majko iu drejtua Ramës: “Unë do ta lidhja këtë fenomen të ri edhe me emrin e Edi Ramës po ai vetë i ngatërron ca gjëra duke na deklaruar në një takim të gjerë me gratë se ai ishte feminist se ishte socialist, tani në brezin tim e tëndin, pale atë të Gramozit feminizmi ka konotacion tjetër dhe nëse ti ke vendosur të ishte feminist kur u bërë socialist, pyetja është se cfarë ishte para se të bëheshe anëtar i PS” tha me të qeshur Majko.
