Nga oborri i Shtëpisë së Bardhë, kryeministri Edi Rama nuk i ka lënë batutat lidhur me opozitën shqiptare dhe kreut të saj Lulzim Basha.
I pyetur nga gazetarja e VOA-s, për retorikën e tij ndaj Trump, Rama bëri një krahasim, duke thënë se ata që në Shqipëri zgjedhin Trumpin para tij, janë për t’u mëshiruar.
Ndërsa tha se ai vetë, edhe pse s’do ta zgjidhte për asnjë arsye Lulzim Bashën, në krahasim me Donald Trump do ishte i detyruar ta bënte.
“Jam i vërtetë, jam pyetur dhe jam përgjigjur, sa herë do pyetem do përgjigjem. Besoj që ata që në Shqipëri zgjedhin Trumpin para meje, pavarësisht diferencave që kanë me mua, janë për t’u mëshiruar, unë midis Trumpit dhe Lulzim Bashës, zgjedh Bashën pavarësisht se Bashën s’do e zgjidhja në asnjë alternativë”,- u përgjigj Rama.
