Italia i thotë lamtumirë një prej protagonistëve të politikës: Silvio Berlusconit, i cili ndërroi jetë sot më 12 qershor 2023 në spitalin San Raffele në Milano.
Një ndër momentet që do të mbahet mend nga ish-kryeministri Berlusconi në raport me Shqipërinë janë batutat e tij në një konferencë për mediat të zhvilluar me Sali Berishën asokohe kryeministër në Romë.
Teksa ish-kryeministri shqiptar angazhohej për moratoriumin e skafeve dhe se nuk do të lejonte që skafistët të mbysnin shqiptarë të pafajshëm në det, Berluskoni u shpreh: “Do të bëjmë një përjashtim për ata që sjellin vajza të bukura”.
Themelues i Mediaset dhe Forza Italia, Berlusconi ishte një figurë sa e rëndësishme, aq edhe e diskutueshme në politikën italiane për më shumë se çerek shekulli. Ai mbajti postin e kryeministrit të Italisë në 4 qeveri./Opinion.al
