Duhet të jesh një bastvënës i çmendur që të mendosh se Shqipëria mund të fitojë kampionatin. Por kurrë mos thuaj kurrë. Besoj se kujtoni Europianin e vitit 2004, kur Greqia u shpall kampion. Gjithsesi gjithkush mund të ëndërrojë dhe pse jo të shpenzojë sot diçka minimale që nesër mund të kthehet në një “minierë ari”. Dhe ku më mirë se me një Kombëtare si Shqipëria që nuk ka asgjë për të humbur në Francë 2016. Ku sipas “Eurosport” koeficienti për triumfin e mundshëm të mundshëm të Shqipërisë në Evropianin e Francës, është 300.00. Pra nëse vendosni 10 mijë lekë të vjetra keni të garantuara 3 milion lekë. “Fakti që Shqipëria luan për herë të parë në një aktivitet të rëndësishëm, e vendos atë në rolin e një autsajderi. Askush nga futbollistët e saj nuk ka shënuar më shumë se një gol. Shqipëria e mbylli fazën kualifikuese me vetëm 10 gola në bilancin e saj”, shkruan në faqen e saj të internetit “Eurosport”.
