I lindur në Kosovë dhe me shtetësi amerikane, Lirim Sylejmani, 49 vjeç, është dënuar me 10 vjet burg nga një gjykatë federale në Uashington për shkak se është trajnuar ushtarakisht nga organizata terroriste ISIS dhe ka marrë pjesë në një grup të armatosur kundër forcave të koalicionit të udhëhequr nga SHBA-ja.
Sylejmani, i njohur edhe si Abu Sulayman al-Kosovi, kishte pranuar fajësinë në dhjetor 2024 për pjesëmarrje në trajnime ushtarake.
Sipas vendimit të gjykatës, nga nëntori 2015 deri në shkurt 2019, Sylejmani ishte trajnuar nga ISIS në Siri. Në vitin 2019, ai ishte arrestuar nga Forcat Demokratike Siriane, ndërkohë që kishte udhëtuar në Siri së bashku me familjen dhe kishte ndryshuar emrin e tij.
Gjatë kohës së qëndrimit në Siri, Sylejmani kishte mësuar të përdorte armë automatike dhe granata dhe në maj 2016, ai ishte dërguar në vijën e frontit për të luftuar.
Në shtator 2020, ai iu dorëzua autoriteteve amerikane tu përballur me drejtësinë.
