POGRADEC- Sot Partia Socialiste, kryetari i saj dhe figura të njohura ishin në Pogradec për anëtësimet e reja. Duke folur në këtë aktivitet, socialisti Bashkim Fino e nisi fjalën duke sulmuar Ben Blushin. “Unë ia kam mësuar statutin e partisë Ben blushit”, tha ai. Fino shtoi se e ka mik Blushin, por aludoi se ai ka qëllime personale në PS, pasi kërkon vetëm zgjedhjet për kryetar dhe nuk flet për zgjedhjet në struktura.
Pjesë nga fjalimi i Bashkim Finos në Pogradec
Përse janë zgjedhjet në organizatën socialiste? Për interesa personale?
Përse Ben Blushi nuk përmend zgjedhjet në bazë por vetëm zgjedhjet për kryetar?
Dhe sot po i them se: Në 2013 ne fituam zgjedhjet me votë plebishitare morëm 1 milionë vota. Shqiptarët i dhanë Kryeministrit Rama besimin për programin e tij. Ne lamë me koshiencë të plotë pa bërë riorganizimin e partisë në 2013, sepse na votuan 1 milionë shqiptarë nga 100 mijë që është anëtarësia e partisë. Ne jemi parti elektorale luftojmë për të fituar zgjedhjet.
Ndërsa në 2014 e konkretizuam me reformën territoriale dhe në zgjedhjet e 2015 mblodhëm strukturën tonë, asamblenë mbi bazën e re terrotiroale me 61 kryetar partie. Asnjë nga miqtë e mi nuk tha asnjë fjalë dhe nuk u shqetësua për zgjedhejt në parti sepse atëherë ishim në proces, ndërsa tani mund të kërkosh çdo gjë.
Statuti është shkelur? Është e vertetë, por ne do të miratojmë ndryshimet përkatëse në Kongresin e ardhshëm të PS dhe delegatët do ta miratojnë një zëri statutin e ri të partisë.
