Këshilli Bashkiak i Lushnjës dje në mesditë ka shqyrtuar relacionin: “Mbi miratimin e buxhetit të Bashkisë Lushnjë për vitin 2017”.
Në kapitullin III: Parashikimi i shpenzimeve në buxhetin e Bashkisë Lushnjë për vitin 2017, karakteristikat kryesore të shpenzimeve të programuara për vitin 2017 përcaktojnë; shpenzimet ekonomike sipas natyrës së përgjithshme në buxhetin e vitit 2017. 30.000.000 lekë është subvencionimi për KF Lushnja 1930. Kështu, fondi për futbollin ka mbetur i njëjtë, krahasuar me vitin e kaluar. Mbeten për t’u zbardhur sekondaret.
Në momentin që është miratuar subvencionimi për klubin e futbollit, kryebashkiaku Fatos Tushe, që është dhe presidenti i klubit, ka thënë se është një shpenzim i justifikueshëm, pasi ndryshe nga vitet e tjera ekipi i futbollit kryeson kampionatin e grupit B të Kategorisë së Parë, shkruan Panorama.
Ndërkohë, për sa u përket shpenzimeve kapitale në sektorin e kulturës dhe sportit; Për vitin 2017 në këtë sektor shpenzimet kapitale janë planifikuar në vlerën 2.780.850 lekë, që përbëhet nga blerje pajisjesh dhe mbulimin e vlerës së memorialeve, vazhdim nga viti 2016. Lushnja aktualisht është në vendin e parë në tabelën e renditjes dhe është ekipi kryesor në garë për t’u ngjitur në elitë sezonin e ardhshëm./albeu.com/
