Bashkia e Durrësit do të ketë drejtuese të re. Mësohet se kryetari në detyrë i Bashkisë së Durrësit, Zhuljen Varfaj i ka deleguar përkohësisht detyra tek nënkryetarja e re, Emirjana Sako, e emëruar vetëm pesë ditë më parë në këtë post.
Më herët, Emirjana Sako prej vitesh ka qenë drejtoreshë e shërbimeve publike në bashki.
Sipas informacioneve, shkak i këtyre ndryshimeve është bërë largimi i përkohshëm i Varfajt drejt Gjermanisë për arsye shëndetësore, ku dhe do i nënshtrohet një operacioni.
Varfaj është kryetar i komanduar i Bashkisë së Durrësit pas dorëheqjes së Valbona Sakos./ Opinion.al
