Dy persona janë ekstraduar nga Shqipëria në Itali dhe anasjelltas falë bashkëpunimeve të forcave ligjzbatuese të të dy palëve.
Sipas uniformave blu është sjellë në Shqipëri një 53-vjeçar, i shpallur në kërkim për kultivim të bimëve narkotike.
Ndërkohë drejt Italisë është nisur 46-vjeçari Valentino Gjeloshi alias Nino Gjeloshi.
Ky shtetas ishte i shpallur në kërkim ndërkombëtar për veprën penale “Grabitje me armë”, kryer në bashkëpunim.
“Në kuadër të operacioneve të koduara “Para drejtësisë”, është ekstraduar nga Italia në Shqipëri shtetasi shqiptar E. H., 53 vjeç, banues në Milot. Ky person ishte shpallur në kërkim ndërkombëtar nga Drejtoria e Interpolit pasi Gjykata e Apelit të Tiranës, më 31.05.2022, i kishte caktuar masën e sigurisë “Arrest në burg” për veprën penale “Kultivimi i bimëve narkotike”.
Ai akuzohet se në vitin 2022 ka kultivuar 320 bimë narkotike cannabis sativa në ambientet përreth banesës së tij, të cilat u asgjësuan nga shërbimet e Policisë Kurbin.
Ndërkohë, në kuadër të të njëjtit operacion, është ekstraduar drejt Italisë shtetasi V. Gj., alias N. Gj., 46 vjeç, nga Kruja. Ky individ ishte shpallur në kërkim ndërkombëtar nga Interpol Roma, pasi në vitin 2022, Gjykata e Apelit në Firence e kishte dënuar me 9 vjet burgim për grabitje me armë në bashkëpunim. Ai ka mbetur për të vuajtur gjithsej 5 vjet, 9 muaj e 16 ditë burg.
Ai akuzohet se në vitin 2022 ka kultivuar 320 bimë narkotike cannabis sativa në ambientet përreth banesës së tij, të cilat u asgjësuan nga shërbimet e Policisë Kurbin”, njofton policia.
Të ekstraduarit iu dorëzuan Drejtorisë së Përgjithshme të Burgjeve për të vuajtur dënimet.
