Ministria e Drejtësisë dhe Ministria e Mirëqenies Sociale janë duke hartuar një projektligj që ka për synim lejimin e bashkëjetesës për homoseksualët.
Sipas projektligjit që do të ndryshojë kodin e familjes, do të lejohet bashkëjetesa edhe ndërmjet dy burrave apo dy grave.
Por përfaqësues të komuniteteve fetare në Shqipëri janë shprehur kundër kësaj nisme.
Krerët e komuniteteve fetare në Shkodër janë bërë bashkë, duke i bërë apel qeverisë që të mos meritojnë një ligj të tillë, pasi do të shkatërronte familjen, raporton “Shqiptarja.com”.
Imzot Angelo Massafra, arqipeshkëv i Shkodrës, Imam Muhamed Sytari, myfti i Shkodrës dhe At Nikolla Petani, famullitar i kishës Ortodokse, kanë dalë hapur kundër martesave gay por edhe ndaj fenomeneve si pornografia.
“Njeriu duhet të formojë familje e të kujdeset për të, të trashëgojë jetën me edukimin e fëmijëve dhe trajtimin sa më dinjitoz të nënës së fëmijëve të tij”, kanë thënë ata.
