Presidenti i Republikës Ilir Meta ka përkujtuar Nënë Terezën në 109 vjetorin e saj të lindjes.
“Në 109-vjetorin e lindjes së Shenjtores Nënë Tereza, simbolit shqiptar dhe botëror të humanizmit e solidaritetit njerëzor dhe shembullit të jashtëzakonshëm të dashurisë e përkujdesjes të çdo nëne shqiptare, ne përkujtojmë me nderim e respekt trashëgiminë e vyer të veprës së Saj humane e hyjnore të paharruar.
Urtësia dhe porositë e Shën Terezës le të na shërbejnë si burim frymëzimi, që të gjithë së bashku, me shumë dashuri e përkushtim të bëjmë gjithçka duhet për këdo që ka nevojë për ndihmë, solidaritet e përkrahje sociale, për prosperitetin e begatinë e Shqipërisë dhe të kombit tonë!” shkruan Meta.
Krahas mesazhit, presidenti Meta ka postuar edhe nj foto në Facebook me një imazh të Nënë Terezës ku citohet shprehja e saj : “Unë mund të bëj gjëra që ti nuk i bën dot, ti mund të bësh gjëra që unë nuk i bëj dot, bashkë mund të bëjmë gjëra të mëdha”. Mesa duket Presidenti ka zgjedhur pikërisht këtë thënie, mes të shumtave që ka Nënë Tereza, për të bërë një aple për gjendjen e acaruar politike në të cilën ndodhet vendi. /Opinion.al
