Aleatët e Partisë Demokratike kanë njoftuar se do të mbajnë një konferencë ku do të prezantojnë një platformë për bashkimin e opozitës, por ende nuk dihet se cilit grup të demokratëve do t’i drejtohet kjo thirrje, atij të Bashës po të Berishës.
Kreu i Grupit Parlamentar të PD-së, Gazment Bardhi në një prononcim për mediat ditën e sotme ka sqaruar se platforma në fjalë “do t’i prezantohet PD-së dhe grupit parlamentar të PD”.
Ai theksoi se personalisht do të bëjë çdo përpjekje që fronti opozitar të jetë i bashkuar.
“Sipas njoftimit nga kolegët nuk ka një tryezë, por një konferencë të tyre për shtyp ku do prezantojnë një platformë për bashkimin e opozitës. Personalisht do bëjmë çdo përpjekje që fronti opozitar të jetë i bashkuar, kështu që mbështesim çdo iniciativë.
Një platformë që do t’i prezantohet PD-së dhe grupit parlamentar të PD
Ndalimi i hyrjes së deputetëve në zyrat e tyre është një masë e dhunimit të deputetëve të opozitës në kundërshtim me Kushtetutën”-tha Bardhi.
