Kreu i Partisë Demokratike, Lulzim Basha, thekson rëndësinë e votës së lirë në forcimin e demokracisë së vendit, duke u shprehur se tashmë ka ardhur momenti për t’i dhënë të rinjve stafetën e vendimmarrjes. Gjatë Kuvendit Kombëtar të FRPD, që u mbajt ditën e sotme, Basha i ka bërë thirrje të rinjve të “përqafojnë vlerat dhe vizionin e demokratëve”.
Basha tha se do të ndjek modelin amerikan të primareve për të zgjedhur mes të rinjve përfaqësues për në Kuvend.
“Ky është momenti për t’i dhënë të rinjve stafetën në përgjegjësi në sipërmarrje. Rinia ka fituar shumë beteja, dhe rinia demokrate përballet me sfidat. Kjo erë e re që është hapur po fryn në FRPD. Era e shpresës dhe e besimi vjen nga vota e lirë. Vota e lirë vendos me mirë se individi, gabon më pak se kulisat e klaneve. Do të ndjekim modelin amerikan të primareve. Ju do të përfaqësoni në Kuvendit e ardhshëm rininë shqiptare”, tha Basha.
Kreu i demokratëve ndërkaq ka folur edhe për situatën ekonomike e politike në vend. Basha tha se qeveria promovon trafikantët dhje kriminelët, duke shtuar se modeli i rilindjes ka varfëruar shqiptarët.
