Kryetari i Partisë Demokratike Lulzim Basha, i ka bërë thirrje qeverisë që të akordojë shpërblim financiar për punonjësit e policisë që janë në krye të detyrës për të ruajtur masat për parandalimin e koronavirusit.
Përmes një postimi në rrjetet sociale, Basha ka publikuar dy foto ku shihet teksa bisedon me disa punonjës të policisë.
Kryedemokrati u kërkon qytetarëve bashkëpunim për të kaluar situatën që COVID-19 ka krijuar në vendin tonë.
“I bëj thirrje qeverisë që të akordojë shpërblim financiar për punonjësit e policisë në krye të detyrës dhe u kërkoj qytetarëve bashkëpunim, mirëkuptim e mbështetje për ta,në mënyrë që bashkarisht dhe duke u mbështetur tek njeri-tjetri ta kalojmë këtë situatë me sa më pak dhimbje,”-shprejet Basha./ Opinion.al
