Kreu i Partisë Demokratike Lulzim Basha, ka zbuluar detaje nga një takim i mbajtur i fshehtë që ai ka pasur me Presidentin e Republikës, Ilir Meta.
Në takimin që u zhvillua një javë më parë, Basha tha se u diskutua për situatën dhe ngërçin politik në vend.
“Ka qenë një takim ditën e martë të javës së kaluar në mos gabohem. Ka zgjatur rreth 35 minuta ku kam parashtruar pikëpamjet e mia ku ndodhet vendi dhe kam shkëmbyer mendime mbi situatën. Ka qenë një takim normal ku kemi biseduar pas një kohe të gjatë me Presidentin. Unë si kryetar i opozitës dhe ai si president. Nuk e kemi pasur rastin që të shkëmbejmë mendime në këto kohë” – tha Basha, por pa dhënë më shumë detaje. / Opinion.a.al E.XH.
