“Edi Rama nuk do ta ketë kurrë votën e opozitës për një drejtësi të kapur e të kontrolluar me duar që i duken apo me duar që nuk i duken. Por një drejtësi të pakapur, po e duam dhe e kemi dashur. E deshëm dje, e duam sot e do ta duam përgjithmonë”. Kështu u shpreh Basha në një deklaratë për mediat, pas asaj të Kryeministrit.
Më tej Basha u shpreh: A e ka ftuar Rama, Ndokën të vijë të votojë kapjen e drejtësisë?. Do të vijë me armë apo pa armë? A e ka ftuar Prengren? Po Frrokun për të votuar planin e tij për kapjen e drejtësisë, apo e ka nisur për Belgjikë. Po Rroshin, Bushin, dhjetëra persona të tjerë a i ka ftuar, apo i çoi nga deputetë në kryetarë bashkie?.
Në fund Basha i bëri thirrje Ramës të reflektojë dhe të ndryshojë qendrim, pasi reformë me drejtësi të kapur nuk ka.
