Lulzim Basha ka akuzuar sot kryeministrin Rama se ai ka mashtruar shqiptarët kur ka premtuar se do të hapë 300 mijë vende të reja pune.
“Premtoi 300 mijë vende pune, por i përzuri nga Shqipëria më shumë se 300 mijë shqiptarë” shkruan Basha.
Ai ka theksuar se Shqipëria nën qeverisjen e Ramës i ngjan Koresë së Veriut përsa i përket investimeve të huaja.
“Zero investim i huaj në 6 vjet të qeverisë Rama” shkruhet në video-mesazhin e shpërndarë nga Basha.
Kreu i demokratëve, paralajmëroi dje pas një takimi me aletatët se po përgatiten për prezantimin e një platforme kombëtare për nxjerrjen e vendit nga kriza. /Opinion.al
