Lideri demokrat Lulzim Basha komentoi sot deklaratën e ambasadorit të SHBA Donald Lu në lidhje me çështjen Tahiri. Sipas tij, ambasadorët kanë kërkuar përgjegjësisë penale për Tahirin.
Basha tha se Ambasadori amerikan Donald Lu “mbështet një hetim të plotë, të paanshëm, për të zbardhur dhe vënë para përgjegjësisë penale të gjithë ata politikanë të përfshirë në krimin e organizuar dhe trafikun e drogës sidhe dënojnë çdo përpjekje që politikanët të jenë mbi ligjin dhe jashtë ligjit, që imuniteti parlamentar të përdoret për të mbrojtur politikanët e lidhur me krimin.”
“Çdo përpjekje për të qenë mbi ligjin me imunitet parlamentar do të dështojë për ti shpëtuar drejtësisë. Faktet e dala publikisht që disponohen nga prokuroria shqiptare do të bëjnë të mundur që ai të marrë përgjegjësi penale për ndihmën që i ka dhënë bandës së Habilajve”, tha Basha.
Deklata u bë pas një takimi që Basha pati me ambasdorin amerikan.
Bashkëbisedimi i Bashës me gazetarët
Pyetje: Keni pasur një takim të gjatë me ambasadorët e BE-së dhe ambasadorin amerikan?
Basha: Jo kam pasur një takim me ambasadorin Lu. Ambasadorët e Bashkimit Europian kanë qenë në një takim tjetër po në të njëjtën godinë. Keqkuptime që kanë ndodhur dhe më parë me atë godinë.
Qëndrimi i qeverisë amerikane është i qartë dhe nuk ka nevojë për komentin tim. Ata mbështesin pa rezerva prokurorët dhe gjyqtarët në një hetim të plotë dhe të paanshëm për të zbardhur dhe për të vënë para përgjegjësisë penale të gjithë ata politikanë të përfshirë në krimin e organizuar dhe në trafikun e drogës si dhe dënojnë cdo përpjekje që politikanët të jenë mbi ligjin dhe jashtë ligjit. Pra që imuniteti parlamentar të përdoret për të mbrojtur politikanët e lidhur me krimin dhe drogën.
Sajmir Tahiri nuk do ti shpëtojë drejtësisë. Pavarësisht prej mbrojtjes politike që i bëri dje maxhoranca, faktet e dala publikisht dhe faktet e tjera të cilët disponohen nga organet shqiptare të hetimit, nga prokuroria shqiptare, por dhe nga partnerët, do të bëjnë të mundur që ai të marrë përgjegjësitë e tij penale para ligjit shqiptar për mbrojtjen dhe ndihmën që i ka dhënë, jo thjesht një bande kriminale por një përpjkekje për ta kthyer Shqipërinë vetëm në katër vite në një bazë të sigurt të krimit të organizuar, në prodhuesin më të madh të kanabisit në Europë dhe eksportuesin e drogave të lehta dhe të forta drejt Europës. Këto janë konstatime të institutcioneve perëndimore nuk janë thjesht dhe vetëm konstatime të opozitës, e cila pa dyshim kanë qenë në ballë të kësaj beteje.
Por Sajmir Tahiri nuk është fundi por është fillimi i çmontimit të narkoshtetit.
