Kreu i Partisë Demokratike, Lulzim Basha ka dalë në një konferencë të posaçme për shtyp ku denoncoi skandalin e pajisjes së përgjimeve të përdorur nga Policia e Shtetit.
Basha tha se, pajisja ka hyrë në vendin tonë pa u regjistruar dhe pa lejen e Prokurorisë së Përgjithshme dhe për përdorimin e saj tha se, Kryeministri do të mbajnë përgjegjësi politike për përgjimin e zyrtarëve mes të cilit dhe Presidenti.
“Vetë Policia e ka pranuar publikisht se posedon një pajisje të tillë ndërsa Rama dhe Tahiri heshtin. Kjo pajisje ka hyrë pa u regjistruar dhe pa lejen e Prokurorisë. Në hierarkinë e skandaleve, ky padyshim zë vendin e parë përgjegjësi shkojnë drejtpërdrejtë tek kryeministri Edi Rama”, u shpreh kreu i PD-së.
“Edi Rama nuk ka thënë asnjë fjalë të vetme duke e bërë më të besueshme se kjo ka ndodhur me bekimin e tij. Transparenca për këtë skandal politik dhe kriminal është një emergjencë. Mbi të gjitha përgjegjësitë, qëndron përgjegjësia politike e Edi Ramës”, përfundoi Basha.
